Sér er nú hver samningurinn...

Jasso....það er bara svona.

Mikið væri gaman að vita hverjar samningskröfur Íslendinga voru þegar nefndin lagði í þessa vegferð.

Ég get nefnilega ekki betur séð en að niðurstaðan hefði getað verið svona ef kröfurnar hefðu engar verið og velmeinandi og víðsýnir Bretar hefðu einfaldlega rétt okkur samningsdrög til undirritunar. Vextirnir háir og skilyrðislaus bakábyrgð skattgreiðenda á allri upphæðinni.

Af hverju 5,5% vextir? Hverjir eru vextirnir af IMF láninu okkar í samanburði? Breska ríkið er kannski að fjármagna sig á 1-2% vöxtum um þessar mundir svo þeir eru að græða helling á því að lána íslendingum þessa peninga.

Hvenær fara vextirnir að reiknast? Mér finnst eðlilegt að þeir fari ekki að reiknast fyrr en að frystingunni er aflétt því fram að þeim tíma hafa þessar eignir sem standa á bakvið verið á forræði Breta sjálfra. Þeir hefðu einnig að einhverju leiti viðurkennt tjónið sem þeir ollu okkur með því. 

Hvernig var valið í samninganefndina? Mér sýnist Svavar og Indriði vera í forsvari fyrir henni. Þar er engin reynsla til staðar af alþjóðlegum samningum.

Og svo framvegis og framvegis.....

Og nú sem áður munu þeir sem að þessum samningum standa, þ.e. stjórnvöld, skálka í því skjólinu, að þetta sé verkefni sem þeir fengu í fangið af fyrri stjórnvöldum og útkoman sé því þeim að kenna. Þetta verður söngurinn í hvert skipti sem mistök eiga sér stað fram að næstu kosningum og hugsanlega lengur.

Á meðan pakka þeir landsmenn sem eiga þess kost ofan í koffortin og flytjast erlendis.

Frystingu eigna aflétt

Athugasemdir

[Fair Play (IP-tala skráð) 6.6.2009 kl. 10:29]

"Þeir hefðu einnig að einhverju leiti viðurkennt tjónið sem þeir ollu okkur með því." 

This must be wishfull thinking.........The British Government have allways stood by their decision and even invited the Icelandic Government to take them to court....and rightly so. If it had not been for the "Freezing of Assets legislation" the Landsbanki assets now available to sell and use to pay up to an estimated 80% to 90% of the debt, would be in secret accounts in the Tortola Islands in the names of the Icelandic Gangsters that caused this whole problem for you.....

Good Luck