Kemur þetta á óvart ?

Síðast þegar var skipaður ,,sérstakur saksóknari" var það í Baugsmálinu. Sá sem þar gerðist fórnarlamb mátti þola 3 milljarða ófrægingarherferð og háð eiginlegra allra sem um það mál fjölluðu og martröðin stóð yfir árum saman.

Í þessu tilviki þarf viðkomandi hugsanlega að saksækja eigendur allra helstu fjölmiðla landsins. Þar undanskil ég ekki RÚV.

Þar að auki er strax með lögunum settar meiri skyldur á herðar þessum einstaklingi en öðrum sambærilegum starfsmönnum dómstóla en honum um leið ekki færð sömu réttindi. T.d. þarf viðkomandi ekki eingöngu að upplýsa um hlutabréfaeign sína í fjármálafyrirtækjum heldur einnig um skuldir sínar.

Hann þarf einnig að upplýsa um ,,starfsleg tengsl hans, maka og náinna skyldmenna við þá sem sinnt hafa stjórnunarstörfum í umræddum fjármálafyrirtækjum eða þeim stofnunum ríkisins sem rannsókn embættisins beinist að". 

Hann nýtur ekki 5 ára skipunar og hægt er að leggja embættið niður nær fyrirvaralaust. Þá fær viðkomandi 3 mánaða uppsagnarfrest en þingmenn t.d. sem detta útaf þingi fá 6 mánuði.

Í auglýsingunni um starfið er ekkert tekið fram um starfskjör eða hver mun fjalla um umsóknina eða á hvaða forsendum umsóknin mun verða metin. Það hefur ekki tekist svo björgulega í síðustu tilvikum þegar dómsmálaráðherra hefur nálægt starfsmannamálum komið.

Ef ég væri lögfræðingur myndi ég ekki sækja um. Það munu verða næg verkefni á næstu árum fyrir lögfræðinga í þessu landi og það væri bókstaflega óðs manns æði að kasta sjálfum sér og fjölskyldu sinni útí þessa djúpu laug undir þessum formerkjum.

Enginn sótti um embætti sérstaks saksóknara

Athugasemdir

[Snorri Magnússon, 4.1.2009 kl. 23:35]

Það getur enda tæpast nokkur starfandi lögmaður í dag sótt um starfið því allmargir (ef ekki velflestir) á einhvern hátt tengdir inn í darraðadansinn, sem dansaður hefur verið undanfarin ár, ýmist með fjárfestingum sjálf sín eða fjölskyldu, tengslum sjálf sín, fjölskyldu eða stofu sinnar við dansarana og svo mætti lengi telja...

Kommentið í næst síðustu málsgrein er nokkuð gott ef skoðaðar eru fréttir allra síðustu daga af skipun forsætisráðherra, Geirs H. Haarde, á einhverju manngreyi í stöðu í ráðuneytinu sem og skipun setts dómsmálaráðherra, Árna Mathiesen, á dómara við héraðsdóm Norðurlands eystra.  Sjálfstæðisflokkurinn er með kúkinn upp á bak, því miður, þegar kemur að skipunum í stöður á vegum hins opinbera.  Þar ræður, öðru fremur, einkavinavæðingin ríkjum!!!