Einu sinni enn...

Þetta er ekkert nýtt og hefur verið margsagt og endurtekið bæði fyrr og síðar.

Og breytir engu....

Margir virðast skilja það sem svo að þar sem reglugerðin nái ekki til algers hruns fjármálakerfis þá séum við Íslendingar lausir allra mála.

Ekkert er fjarri raunveruleikanum.

Spurningin snýst raunar um það hvað skeður ef tryggingasjóðurinn geti ekki leyst hlutverk sitt, t.d. ef allt fjármálakerfið sem fjármagnar sjóðinn, hrynur. Reglugerðin segir nefnilega ekkert um þetta atriði og þess vegna segja fræðimenn að um málið ríki lagaleg óvissa.

Hinsvegar hafa öll lönd í Evrópu, og gerðardómur sem íslendingar samþykktu í fyrstu en drógu síðar samþykki sitt til baka, sagt að í þessu tilviki þá verði heimaríki viðkomandi tryggingasjóðs að hlaupa undir bagga og lána tryggingasjóðnum. Þetta er voða einfalt. Ástæðan er einfaldlega sú að það er óhugsandi að innistæðueigandinn tapi því fé sem honum hefur verið lofað að sé tryggt og það stendur heimaríki viðkomandi tryggingasjóðs næst að tryggja að það eigi sér ekki stað.

Í okkar tilviki áttum við bara ekki fyrir því, þ.e. við gátum ekki lánað íslenska tryggingasjóðnum vegna þess að við áttum ekki fyrir því. Bretar og Hollendingar sáu aumur á okkur og lánuðu íslenska tryggingasjóðnum en gerðu það að skilyrði að það væri til staðar ríkisábyrgð og við samþykktum það þegar þessi lánveiting átti sér stað.

Og þessvegna sitjum við uppi með skuldina, og ríkisábyrgðina. Einfaldlega vegna þess að það er rétt að við gerum það. Burtséð frá því hvort við viljum það að hvort það sé þægilegt eða ekki.  

Og allavega...þeir sem halda því fram að íslendingar eigi ekki að borga verða þá að geta bent á þann sem á að gera það. Og það þýðir ekkert að benda á erlenda innistæðueigandann, kalla hann "fjárfesti", og segja að hann eigi að bera tjón sitt sjálfur...það eru bara hryggleysingjar sem það gera.

Joly: Átti ekki að takast á við hrun heils bankakerfis

Athugasemdir

[Doddi (IP-tala skráð) 7.1.2010 kl. 14:47]

Magnús!

Það skiptir bara máli hver segir það. Menn hlusta á Evu Joly. 

[Magnús Birgisson, 7.1.2010 kl. 16:40]

Doddi !!

Ef Eva Joly segir hvað? Hún er ekki að segja annað en það sem aðrir hafa sagt áður og er alveg rétt og óumdeilt. Spurningin er eftir sem áður....hvað svo?...hver á að borga ef "heilt bankakerfi hrynur" ?

Aðrir hafa reyndar einnig bent á að í íslenska tilvikinu skipti ekki máli að það hafi verið heilt bankakerfi sem hafi hrunið vegna þess að tryggingin snýst bara um Landsbankann, þ.e. um einn banka en ekki allt kerfið. Íslenski tryggingasjóðurinn var m.ö.o. svo aumur að hann gat ekki einu sinni tryggt einn banka....hvað þá heilt bankakerfi. Hverjum er það að kenna?