Tittlingaskítur

Orkuveita Reykjavíkur er við það að hækka hitaveitutaxtann sinn um tæp 10%.

Í viðtali í hádegisfréttum RÚV sagði Eiríkur Hjálmarsson, málpípa OR, að ,,hann vonaði að þessi 300 króna hækkun á mánuði á meðalíbúð  setji ekki allt á annan endann."

Það mátti skilja hann sem svo að þetta væri svo mikill tittlingaskítur að það tæki varla að tala um þetta.

Núna hrúgast inn hækkanir.  Hver aðilinn á fætur öðrum hækkar sitt um smá og hugsar....,,.það munar engum um þetta smáræði".  Í hugum þessara aðila er margt smátt lítið eitt.

Almenningur finnur hinsvegar fyrir því í buddum sínum að margt smátt gerir eitt stórt og bara spurninginn hvenær stráið sem braut bakið bætist við.