Glitnir ekki með á nótunum

Ég fór í útibúið mitt hjá Glitni áðan og ætlaði að fresta afborgunum af erlenda láninu mínu og hélt að sú þjónusta stæði mér til boða í samræmi við tilmæli viðskiptaráðherra.

Það er öðru nær.

Frystingin kostar 10.000 krónur og nær aðeins til afborgana, ekki vaxta.  Þar að auki þarf beiðnin að fara fyrir lánanefnd þar sem væntanlega er tekin afstaða til hennar byggt á einhverjum forsendum sem engum eru kunnar.

Yfirlýsing viðskiptaráðherra er hinsvegar alveg klár.  Hún á að ná til bæði afborgana og vaxta.  Hún á að vera án kostnaðar og hún á að vera án tillits til efnahags lántaka.

Yfirlýsingunar má lesa hér: http://www.vidskiptaraduneyti.is/frettir/frettatilkynningar/nr/2809