Ráðalausir ráðamenn ?

Skildu ráðamenn ekkert vera farnir að sjá hvað klukkan slær ?

Skildu þeir ekki vera farnir að kveikja á perunni með það að það er ekki bara eigið fé heimilanna sem núna er brenna upp heldur einnig draumar og væntingar um framtíðina ?

Frysting lána, greiðsludreifing, greiðslujöfnun og lenging eru bara önnur orð um meiri lán. Ný lán til þess að greiða inná gömul lán. Ný lán sem bera vexti og eru gengis- og verðtryggð. Lán sem þarf að greiða í framtíðinni af launum sem eru miklu lægri en þau voru eða jafnvel ekki til staðar.

Og afhverju skyldi fólk sem sér fram á það að eyða ævinni í að greiða af lánum sem eru hærri en eignir þess ekki hætta að borga? Lán sem sýna þess engin merki að greiðast niður....hafa aldrei gert og er ólíklegt að muni nokkrum sinnum gera það.

Afhverju ætti fólk sem er í þessari stöðu ekki hætta að borga núna, taka skellinn strax og sjá þá kannski fram á það að geta um frjáls höfuð strokið einhverntímann í framtíðinni. Hugsanlega mun fyrr en fólk sem streðast við að borga og borga og allt virðist gufa upp í höndunum á.

Ég get alveg séð það í hendi mér að þetta er betri framtíðarsýn en sú sem ráðamenn bjóða....meiri lán og þrældómur til  æviloka.

Hugsanlega erum við að horfa fram á það að unga fólkið í dag og þeir sem eru komnir að miðjum aldri er fyrsta kynslóðin á lýðveldistímanum sem ekki getur vænst þess að hafa það betur en foreldrar sínir. Og land sem ekki getur boðið þegnum sínum betra hlutskipti en þetta heldur ekki í þá.

Svo einfalt er það..........

Flestir geta staðið í skilum

Athugasemdir

[Tryggvi Þórarinsson, 3.5.2009 kl. 14:49]

Sæll Magnús.

Það er engu við þetta að bæta hjá þér, allt hárrétt og skýrt.

[Hafni Már Rafnsson (IP-tala skráð) 3.5.2009 kl. 14:55]

Það er óþarfi að hugsa um fólkið í landinu,  miklu ....miklu mikilvægara er að ræða um evrópumálin,.........eða hitt og heldur....það er nefnilega líka kreppa í Evrópu........ráðamenn eru á engan hátt með á nótunum...hvernig stendur á því að um leið og menn komast í einhverjar ráðastöður missa þeir öll.......ÖLL tengsl við ástandið

[Guðmundur St Ragnarsson, 3.5.2009 kl. 14:59]

Sumeri eru búnir að vera of lengi á föstum launum hjá ríkinu við að kenna hagfræði. Þeir eru úr tengslum við almenning. Gylfi þarf að fara í vettvangsskoðun hjá fólkinu.

[einar axel gústavsson í dk (IP-tala skráð) 3.5.2009 kl. 15:13]

Það er merkilegt að lesa skrif Islendinga síðustu vikur sérstaklega bloggara það er eins og allt í einu sé allt bara vonlaust menn þurfa allt í einu að borga ha ha .. fólk tók þessi lán,blönduð karfa.. ýbúðar og bílalán og fl, svo á að fara að kenna krakkabankastjórum um allt helv,, vesenið reynið að hysja upp brækurnar og sjá hlutina í réttu ljósi þið getið ekki kennt neinum enn ykkur sjálfum um ruglið.......................... væluskjóður.

[Hafni Már Rafnsson (IP-tala skráð) 3.5.2009 kl. 15:44]

Svar til Einars Axels Gústavssonar......þar sem þú ert ekki einusinni á landinu og í svipuðu tengslum við landið og ráðamenn þjóðarinnar, þá vil ég benda þér á  að ég er ekki með eitt einasta lán, en atvinnumálin hafa algerlega snúist gegn okkur, fyrirtæki loka í hrönnum,  gríðalegar uppsagnir.  Fyrirtæki fá enga möguleika til að halda áfram,  nema þau sem eru í einhverjum útflutningi..... Einar minn,  þú virðist vera einhvað bitur út í Íslendinga en ég vil endilega benda á að "ýbúðar" er ekki íslenska og maður skrifar nafnið sitt með stórum stöfum

[Elfur Logadóttir, 3.5.2009 kl. 22:49]

Magnús, þú spyrð afhverju fólk sem sér fram á það að eyða ævinni í að greiða af lánum sem eru hærri en eignir þess ættu ekki að hætta borga? Afhverju fólk sem er í þessari stöðu ætti ekki hætta að borga núna, taka skellinn strax og sjá þá kannski fram á það að geta um frjáls höfuð strokið einhverntímann í framtíðinni. Hugsanlega mun fyrr en fólk sem streðast við að borga og borga og allt virðist gufa upp í höndunum á?

Þetta eru eðlilegar spurningar en í mínum huga alrangt að það sé skynsamlegra að fara þessa leið.

Auðvitað er fólki í sjálfsvald sett hvað það gerir og þeir sem hafa áhuga á vanskilum án þess að vera nauðbeygðir til þess, taka þá slíka ákvörðun - vonandi með bæði augun opin. Þeir eru þá líka að taka ákvörðun um að auka kostnað sinn og auka skuldir sínar enn frekar en orðið hefur.

Það get ég ekki ráðlagt fólki eða látið óáreitt án þess að benda fólki á óskynsemi slíkrar ákvörðunar fyrir framtíð þeirra.

Hversu ósanngjarnar sem skuldirnar eru, þá stendurðu alltaf betur með því að semja um þær og reyna að lækka þær með þeim hætti, heldur en með því að neita að greiða og láta kröfurnar þannig safna vanskilakostnaði, dráttarvöxtum og öðrum innheimtukostnaði ofaná himinháan höfuðstól og himinháa vexti.

Ekki láta það henda þig. Semdu um skuldir þínar og sæktu síðan rétt þinn með öðrum hætti.

[Magnús Birgisson, 4.5.2009 kl. 08:25]

Sæl Elfur og takk fyrir athugasemdina.

Ég vil bara taka fram til að fyrirbyggja allann misskilninginn að þetta á ekki við um mig. Ég er ekkert að fara að hætta að greiða af skuldum mínum.

Ég á hinsvegar auðvelt með að setja mig í spor þeirra sem svona hugsa og hef fulla samúð með þessum sjónarmiðum. Stjórnvöld hafa einfaldlega brugðist og þau ráð sem fólki er boðið eru meiri lán og aukin skuldabyrði í framtíðinni eða mini-gjaldþrot eftir ,,Lögum um greiðsluaðlögun" einsog það er kallað.

Og þegar fólk er á annað borð komíð á milli steins og sleggju....tja...það getur verið erfitt að velja.