Hér virðist bara eitt vanta

Hér virðist það eitt vanta í frásögnina að ættfaðir Haarde ættarinnar á Íslandi fluttist frá Noregi á fyrri hluta síðustu aldar. Af meintri framtakssemi þeirrar ættar er komið máltækið ,,að haarda þetta" sem merkir að aðhafast ekkert og þá reddast þetta.

Af norðmönnum er hinsvegar það að segja að þar fannst olía á áttunda áratug síðustu aldar og safnaðist olíuauðurinn upp í miklum sjóði sem norðmenn hafa síðan nýtt til þess að ráðast á gjaldmiðla annarra þjóða í hagnaðarskyni, t.d. Íslendinga.

Kviknakinn Geir og gullspilið

Athugasemdir

[Þorsteinn Sverrisson, 29.12.2008 kl. 18:23]

Þetta er rétt ályktað Magnús. Aðrar þjóðir voru að spila á íslenska efnahagskerfið og kenna okkur núna um ófarirnar.  Það var enginn neyddur til að kaupa þessi krónubréf. 

[Guðmundur Ásgeirsson, 29.12.2008 kl. 20:20]

"Sigurður Einarsson, stjórnarformaður Kaupþings... ...nefnir til sögunnar sjóðina Trafalgar og AKO Capital." ... "Sigurður nefnir einnig bandaríska fjárfestingarbankann Bear Stearns í þessu sambandi og segir Kaupþing íhuga málarekstur gegn bandaríska bankanum þótt ekki sé ljóst hvar það mál verði rekið."

- mbl.is 9.4.2008

Bear Stearns heyrir nú sögunni til en rústirnar af honum voru keyptar af JP Morgan á skít og kanil, svo fór Kaupþing um koll og því hætt við að lítið verði úr fyrirhuguðum málarekstri af þeirra hálfu. Varðandi þá aðila sem Sigurður nafngreinir séstaklega þá hafði Davíð nokkur Oddsson gefið eitthvað svipað í skyn um sama leyti svo ég ákvað að kynna mér nánar bakgrunn eins þessara aðila: AKO Capital. Í stuttu máli þá kom í ljós að því er stjórnað af norskum leyniþjónustumönnum (fyrrverandi) með tengsl við eitt af dótturfélögum JP Morgan, sem í hálfkæringi er stundum kallaður "Wall-Street útibú" bandarísku leyniþjónustunnar CIA. Meira umsögu J.P. Morgan og alþjóðlegra bankavelda má lesa í hinni ágætu bók Falið Vald sem er aðgengileg á vefnum. Vofa Morgans sveimar ennþá yfir vötnum, því að í upphafi bankahrunsins nutu íslensk stjórnvöld víst "ráðgjafar" nokkura útsendara frá JP Morgan fjárfestingarbankanum. Það væri forvitnilegt að fá að vita hvað var nákvæmlega rætt á þessum fundum...

[Snorri Magnússon, 4.1.2009 kl. 23:46]

Bækur Jóhannesar Björns, Falið vald, Skákað í skjóli Hitlers og Falið vald eiturlyfjakolkrabbans eru allar aðgengilegar á vef hans www.vald.org en ég hef einmitt bent lesendum míns blogs á að kynna sér það sem Jóhannes Björn hefur verið að skrifa.  Þá má og geta þess hér að hann var gestur Egils Helgasonar í Silfri Egils fyrir ekki margtlöngu.